मनोहर पर्रिकरांच्या आजाराविषयी गोवा सरकारची महत्त्वाची माहिती

2

गोव्याचे मुख्यमंत्री मनोहर पर्रिकर यांची मागच्या काही महिन्यांपासून कर्करोगाशी झुंज सुरु आहे. गोव्याचे आरोग्यमंत्री विश्वजीत राणे यांनी शनिवारी प्रथमच अधिकृतरित्या मनोहर पर्रिकर यांना स्वादुपिंडाचा कर्करोग असल्याची माहिती दिली. सध्या त्यांच्यावर गोव्यातील निवासस्थानी उपचार सुरु आहेत. उत्तर गोव्यात अलडोना येथे इमर्जन्सी केअर सेंटरचे उदघाटनाच्या कार्यक्रमासाठी विश्वजीत राणे आले होते.

त्यावेळी पत्रकारांशी बोलताना त्यांनी मनोहर पर्रिकरांना स्वादुपिंडाचा कर्करोग झाल्याची माहिती दिली. ‘मनोहर पर्रिकर यांची प्रकृती चांगली नाहीयं. त्यांना स्वादुपिंडाचा कर्करोग झाला आहे. यात लपवण्यासारखे काही नाही असे राणे म्हणाले. मनोहर पर्रिकरांनी गोव्यातील जनतेची सेवा केली आहे. आता जर त्यांना त्यांच्या कुटुंबासोबत वेळ घालवायाचा असेल तर तो त्यांचा अधिकार आहे’, असे विश्वजीत राणे म्हणाले.

मनोहर पर्रिकर यांच्या अनुपस्थितीमुळे प्रशासकीय कामकाजात कुठेही अडथळा येत नाहीय असे राणे म्हणाले. मला कुठेही अडथळा आलेला नाही. मी नव्या प्रकल्पांचे उदघाटन करत असल्याचे ते म्हणाले. मनोहर पर्रिकर यांच्यावर दिल्लीत एम्समध्ये उपचार सुरु होते.

728×120-jaymobile-012018-1

Comments are closed.

https://wp.me/p8vtBO-fw9