भारत धर्मनिरपेक्ष; हिंदू राष्ट्र नाही: सैफ

5

‘भारतात उजव्या, हिंदुत्ववादी विचारांची चळवळ टिकून राहिल खरी, परंतु आपला देश कायम धर्मनिरपेक्ष होता आणि असेल. मी भारताला धर्मनिरपेक्ष देश मानतो, हिंदू राष्ट्र नाही’ असं मत अभिनेता सैफ अली खाननं विशेष मुलाखतीत मांडलंय.

या मुलाखतीत सैफ दिलखुलास उत्तर देत होता. सैफ अली खान आणि करिनाने आपल्या मुलाचे नाव तैमुर ठेवले. यामुळे अनेक वादही निर्माण झाले. अनेकांनी सोशल मीडियाची माध्यमातून टीका करत नावाला विरोध केला. या विषयी बोलताना सैफने भारत धर्मनिरपेक्ष असल्याचा मुद्दा अधोरेखित केला. ‘तैमुरच्या नावाला विरोध झाला याचे मला फार वाईट वाटले. परंतु, आपण ज्या देशात राहतो तो धर्मनिरपेक्ष आहे, मी हिंदू राष्ट्र म्हणून त्याकडे पाहत नाही. आपल्या देशात स्वातंत्र्याबरोबर झालेली पाकिस्तानची निर्मिती यासारख्या अनेक कारणांमुळे देशात उजवी चळवळ कार्यरत आहे याची मला कल्पना आहे आणि हिंदूत्ववादाचा खरा अर्थ मला कळतो. परंतु, हा देश माझा आहे आणि भारतीय असणं माझ्या रक्तात आहे. त्यामुळे माझे भारतीयत्व सिद्ध करण्याची मला गरज वाटत नाही. असे तो म्हणाला. शिवाय, त्याच्या नावामुळे झालेल्या वादानंतर मी तैमुरला साधंसुधं टोपण नाव दिलं आहे. टिम… या नावाने तैमुर नावातली धार कमी होते.’ असंही सैफनं सांगितलं.

‘अलेक्झांडर, चंद्रगुप्त मौर्य, बाबर, हुमायुन, तैमुरसारखे अनेक लोकं भारतात आले आणि गेले. ते चांगले होते, वाईट होते, हिंसक होते याला मी फार महत्त्व देत नाही. लोक रामालाही हिंसक म्हणाले आहेत. ही सगळी चर्चा यापूर्वी झालेली आहे. मला स्वत: ला तैमुर हे नाव आवडते. तैमुर म्हणजे पोलादी आणि मला हा अर्थ आवडतो. आम्ही आमच्या बाळाचे नाव कुणा एका व्यक्तीमुळे ठेवले नाही तर त्या नावाचा अर्थ आवडला म्हणून ठेवले आहे आणि जरी समजा तसे असले तरी तो आपला आणि आपल्या इतिहासाचा अविभाज्य घटक आहे. आपला इतिहास १९४८ नंतर सुरू होतो अशी बतावणी आपण करू शकत नाही. भारत आज जसा रंगवला जातोय तसा तो नाही. भारताला प्राचीन इतिहासाची, संस्कृतीची परंपरा लाभली आहे. भारत कामसूत्र, योग, मोहेंजो दारो-हडप्पा संस्कृती, महाभारत, तैमुर यांची भूमी आहे. हा सगळा आपल्या इतिहासाचा भाग आहे’ असंही सैफ म्हणाला.

728×120-yss-012018-1

Comments are closed.

https://wp.me/p8vtBO-fub