‘निर्लज्ज व्यक्ती देशाला महासत्ता बनवू शकत नाहीत’; अभिनेता जिम कॅरी

7

विविध स्तरांवर टीकेचे धनी होणारे अमेरिकेचे अध्यक्ष डोनाल्ड ट्रम्प आणि त्यांच्या सरकारवर सुप्रसिद्ध विनोदी अभिनेता जिम कॅरी यांनीही जोरदार टीकास्त्र डागले आहे. ‘निर्लज्ज व्यक्ती देशाला महासत्ता बनवू शकत नाहीत, हे नागरिकांनी समजायला हवे’, अशा शब्दांत कॅरी यांनी ट्रम्प यांचा थेट नामोल्लेख न करता हल्ला चढवला.

५६ वर्षीय जिम कॅरी यांना विनोदी भूमिकांबद्दल ‘चार्ली चॅप्लिन ब्रिटानिया अॅवॉर्ड फार एक्सलन्स’ पुरस्काराने गौरवण्यात आले. ‘डम्ब अँड डंबर’चे दिग्दर्शक पिटर फॅरेल्ली यांच्या हस्ते त्यांना हा पुरस्कार प्रदान करण्यात आला. यावेळी कॅरी यांनी ट्रम्प प्रशासनावर सडकून टीका केली. ‘निर्लज्ज व्यक्ती देशाला कधीही महासत्ता बनवू शकत नाहीत, हे आपण स्पष्ट करायला हवे. ही खलनायकाची लक्षणे आहेत. महान राष्ट्रात मुलांचे अपहरण होत नाही. अर्ध्याहून अधिक अमेरिकेला सध्या देशात काय सुरू आहे हे कळत नाहीय. पहिल्यांदा त्यांना आरोग्यसेवा द्या. आपल्याला म्हणजेच अमेरिकी नागरिकांना चुकीची माहिती पुरवली जात आहे’, असे कॅरी म्हणाले. अर्थात, पुरस्कार स्वीकारतानाच्या या भाषणात त्यांनी कुठेही राष्ट्राध्यक्ष ट्रम्प किंवा अन्य कोणत्याही व्यक्तीचा थेट उल्लेख केला नाही.

728×120-yss-012018-1

Comments are closed.

https://wp.me/p8vtBO-fxS