जम्मू-काश्मीरमध्ये अतिरेक्यांच्या चकमकीत जवान शहीद

4

जम्मू-काश्मीरच्या पुलवामा जिल्ह्यातील त्रालच्या मिदुरा येथे रविवारी दहशतवाद्यांबरोबर झालेल्या चकमकीत जखमी झालेला एक जवान शहीद झाला आहे. तर काल सुंदरबनी येथे दहशतवादी आणि अतिरेक्यांदरम्यान झालेल्या चकमकीत तीन जवान शहीद झाले होते.

रविवारी कुलगाम जिल्ह्यातही अतिरेकी आणि सुरक्षा दलादरम्यान झालेल्या चकमकीत तीन अतिरेक्यांना कंठस्नान घालण्यात जवानांना यश आले होते. यावेळी झालेल्या स्फोटात सात नागरिकही ठार झाले होते. सुरक्षादलाने एका गावाला घेराबंदी घातल्यानंतर चकमक सुरू झाली होती. या हल्ल्यात मारले गेलेले तिन्ही अतिरेकी जैश-ए-मोहम्मद या अतिरेकी संघटनेचे असल्याचं सूत्रांनी सांगितलं. दरम्यान, या घटनेनंतर सुरक्षा दलाच्या जवानांवर दगडफेक करण्यात आली होती. तर त्रालच्या मिदुरा येथेही काही अतिरेकी लपल्याची खबर मिळाल्यानंतर सुरक्षा दलाने शोध मोहीम हाती घेतली असता झालेल्या चकमकीत एक जवान जखमी झाला होता. त्याच्यावर उपचार सुरू असताना या जवानाचा आज मृत्यू झाल्याचं सूत्रांनी सांगितलं.

728×120-yss-012018-1

Comments are closed.

https://wp.me/p8vtBO-fr4